وزیراعلیٰ پنجاب کا مولانا ناصرمدنی پر تشدد کا نوٹس
وزیراعلیٰ پنجاب سردار عثمان بزدار نے عالم دین مولانا ناصر مدنی پر مبینہ تشدد کے معاملے پر نوٹس لیتے ہوئے آئی جی پنجاب سے واقع کی رپورٹ طلب کرلی ہے۔
سردار عثمان بزدار نے عالم دین مولانا ناصر مدنی پر ہونے والے مبینہ تشدد کی آئی جی سے رپورٹ طلب کرتے ہوئے واقعے میں ملوث ملزمان کے خلاف قانون کے تحت کارروائی کا حکم دے دیا ہے ۔
واضح رہے کہ مولانا ناصر مدنی نے گزشتہ روز ایک پریس کانفرنس کے دوران الزام لگایا تھا کہ انہیں چند نامعلوم افراد نے اغوا کر کے کھاریاں میں تشدد کا نشانہ بنایا ہے۔
عالم دین مولانا ناصر مدنی کا کہنا تھا کہ نامعلوم افراد انہیں مزنگ سے اغوا کر کے کھاریاں لے گئے اور ان سے بھتہ مانگا اور برہنہ کر کے تشدد کا نشانہ بنایا جبکہ انہیں پہلے سے دھمکیاں بھی مل رہی تھیں
عالم دین مولانا ناصر مدنی نے واقعے کی غیر جانبدارانہ تحقیقات کا مطالبہ کرتے ہوئے کہا تھا کہ انہوں نے ہوم سیکریٹری کو بھی درخواست دی تھی لیکن تحفظ فراہم نہیں کیا گیا
مولانا ناصرمدنی کا کہنا تھا کہ ملزمان نے یو ٹیوب چینل کاپاس ورڈ مانگ کر ان کے کورونا میں مبتلا ہونےکی بھی خبر چلائی گئی
No comments:
Post a Comment