مانسہرہ میں کورونا وائرس کے پہلے مریض کی تصدیق کے بعد حفاظتی انتظامات مزید سخت کر دیے گئے ہیں مانسہرہ کے کنگ عبد اللہ ٹیچنگ ہسپتال میں 10 جبکہ بالاکوٹ میں 30 بیڈز پر مشتمل آئیسولیشن وارڈ بنا دیا گیا ہے تاہم صوبائی وزیر صحت کے مطابق برطانیہ سے آئے ہوئے 50 سالہ شخص میں وائرس کی تصدیق کی گئی تھی جس کو اپنے گھر میں
ہی قرنطینہ میں منتقل کر دیا گیا ہے۔
محکمہ صحت کی ٹیموں نے متاثرہ شخص کے گھر کا دورہ بھی کیا تھا۔ ڈی پی او مانسہرہ صادق بلوچ کا کہنا ہے کہ چند روز قبل تفتان سے گلگت جانے والے ایرانی زائرین سے مزاکرات کرنے والی ٹیم میں پولیس افسر سمیت 10 پولیس اہلکاران کی سکرینگ کی گئی ہے اور رپورٹس آنے تک انہیں بھی قرنطینہ میں رکھا گیا ہے۔ ڈپٹی کمشنر کی ہدایات کے مطابق شہر میں تمام پارکس شادی ہالز، اسکولز، کالجز، یونیورسٹیاں بند ہے، جبکہ سیاسی و غیر سیاسی پبلک اجتماعات اور گھروں میں بھی شادی کی تقریبات پر پابندی کے فیصلوں پر سختی سے عمل درآمد کرایا جارہا ہے۔
No comments:
Post a Comment