27 مارچ کو فیصلہ کریں گے کہ 5 اپریل کے بعد سکول کھلنے چاہئیے یا نہیں،یونیورسٹی میں داخلوں کی تاریخ میں ایک ماہ کی توسیع کی جائے گی۔ وفاقی وزیر شفقت محمود کی پریس کانفرنس.
وفاقی حکومت نے ملک بھر میں امتحانات یکم جون تک ملتوی کرنے کا اعلان کیا ہے۔تفصیلات کے مطابق وفاقی وزیر تعلیم شفقت محمود کا کہنا تھا کہ تمام امتحانات یکم جون تک ملتوی کرنے کا فیصلہ کیا گیا ہے۔ پاکستان کے تمام 29 بورڈ کے امتحانات یکم جون تک نہیں ہوں گے۔امتحانات کا معاملہ سکول کھلنے یا نہ کھلنے سے نہیں کیا گیا۔
یکم جون تک جتنے بھی امتحانات ہیں وہ نہیں ہوں گے۔انہوں نے مزید کہا کہ کورونا وائرس ملنے جلنے سے پھیلتا ہے۔حالات بہتر ہونے کے بعد امتحانات لینے سے متعلق فیصلہ کیا جائے گا۔کیمرج سسٹم کے تحت بھی امتحانات نہیں ہوں گے۔وفاقی نے کہا کہ کیمرج سے درخواست ہے کہ امتحانات کا شیڈول آگے بڑھایا جائے۔یونیورسٹیز میں داخلوں کی تاریخ میں بھی ایک ماہ کی توسیع کی جائے گی۔
No comments:
Post a Comment